Ndị ọlụ ANPC anabata onye enyemaka Obiano

0
764
Ndị ọlụ ANPC
Onye enyemaka pụrụ iche nye Gọvanọ Obiano n'ihe gbasara ANPC, Oriaku Oguine (nke atọ n'aka nri), onye isi ụlọ ọlụ ANPC, Mazi Nnabuife na ndị isi dị iche iche n'ụlọ ọlụ ahụ ka e mechara mmemme ahụ.

Chinwendu Uzoatu

 

ỤLỌ ọlụ ‘Anambra Newspapers and Printing Corporation (ANPC)’ ndị na-ebipụta akwụkwọ akụkọ ‘National Light na Ka Ọ Dị Taa nọrọ nwanne ụnyahụ bụ Tuzdee nwee nnọkọrita mbụ na mbụ nke dị n’etiti ha na onye ndụmọdụ pụrụ iche nye aka na-achị Anambra State ‘ Senior Special Assistant (SSA) to Governor Obianio’ n’ihe gbasara ANPC bụ Oriakụ Fanny Oguine.

Onye isi ụlọ ọlụ a bụ ‘Sir’ Chuka Nnabuife ji obi ańụrị wee nabata Oriakụ Oguine. Ọ buru ụzọ dugharịa ya na ngalaba dị iche iche ma mechaa kpọkọọ ndị ọlụ ka e wee nọkọrita.
N’okwu ya, ‘Sir’ Chuka kwuru ka ndị ọlụ mata na ya bụ agbara nwanyị bụ otu n’ime ha n’ihi na ọ ga na-esonye n’ihe a na-eme oge nile.

Ọ gara n’ihu kwuo na a ga-enwe nkuzi na mgbe n’adighi anya ebe ndị ọlụ ga-anọ wee mụtawanye ụzọ ha ga-esi na’aga n’ihu. Ọ dụkwara ndị ọlụ ọdụ ka ha gara adụ nyara n’ọlụ, ka ọchụrụ onwe ya n’ụgbọ ghara ị sị na ụgbọ eruteghị ya.

O kwuru na akwụkwọ akụkọ a ga-abụ eji ama atụ; na a ga-apị ya bụ mmanụ ma pịta ezi mmanụ. O kwuru na-aga ebubatakwa akụrụngwa dị iche iche ka o wee bụrụ ihe e kwuru ka a na-eme.

Ma onye isi ụlọ ọlụ a ma ndị ọlụ nọ n’ańụrị n’ihi na aka na-achị Anambra Steetị bụ Gov. Willie Obianọ na ebumnobi yam aka ụlọ ọlụ a.

Oriakụ Oguine, n’aka nke ya, gosipụtara afọ ojuju o nwere n’ebe ụlọ ọlụ a nọ ma kelee Chineke maka nke a.

Ọ kọwara ‘Sir’ Chuka Nnabuife dịka onye na-adị ọcha ma na-agbakwa mbọ pụrụ iche n’ime ka ebe nile dị mma nke gosịrị afọ ojuju o nwere n’ọlụ ya, tinyekwara ezi mmekọrịta dị n’etiti ya na ndị ọlụ ya.

GUO:  Ndị ọlụ ANPC amalite izu ụka ekpere na inye ekene

O kelere Govanọ Obiano maka ọlụ ọma ya ma dụkwaa ndị ọlụ ọdụ ka ha dị uchu n’ọlụ ha ka ha wee banye na ya bụ ụgbọ na-aga aga.

Onye nọgodụ dịka ‘Editor’ akwụkwọ akụkọ a bụ Oriakụ Rose Oranye bụ onye nyere ekele n’aha ndị ọlụ nile gosịrị obi ańụri ha nwere n’ebe SSA Oriakụ Oguine nọ. O toro ya maka otu o si chọpụta ọlụ na-aga n’ihu ugbu a n’ụlọ ọlụ a.

Ọ gwakwara ndị ọlụ ka ha dịwanye uchu n’ọlụ n’ihi na onye arachaghị ọnụ ya, ụgụrụ a rachaara ya.

N’ikpeazụ, o kwere ya nkwa na ndị ọlụ ga-anwa oko ha; ma tokwa Chineke onye nwe ike nile.

AHAPỤ A ZARA

Please enter your comment!
Please enter your name here