Fidelity Bank esonyerela gọọmentị Anambra n’ịkwalite asụsụ na omenala Igbo

0
564
Nduka TV series

Chinwendu Uzoatu

 

ỤLỌ ọba ego ‘Fidelity Bank’ etinyela aka n’akwụkwọ isonyere gọọmentị steeti Anambra site n’ụlọ mgbasa ozi ‘Anambra Broadcasting Service (ABS)’ wee kwalite asụsụ na omenala Igbo.

Nke a ga-abịa site n’ihe omume onyoonyo ‘television series’ nke isiokwu ya ga-abụ ‘Nduka,’ nke a ga-eji asụsụ Igbo wee na-eme n’ụlọ mgbasa ozi nke steeti ahụ.

Ihe omume a ga-eleba anya n’okwu a kpụ n’ọnụ na asụsụ Igbo na-anwụ anwụ nke a na-akụ n’ekwe eri oge.

Onye isi ụlọ ọlụ ABS bụ Maazị Uche Nworah, gwara ndị nta akụkọ na nke a ga-agba ọtụtụ omenala ndị Igbo nke ụmụ na-eto eto amaghị n’anwụ.

O kwuru na ya bụ ihe omume bụ nke ezinaụlọ nile ga-anabata n’agbanyeghị afọ ole onye dị. O kwuru sị; “a ga na-eme ya n’Igbo, ọ ga-adabakwara onye ọbụna n’agbata afọ ọbụna ọ dị.”

Nduka TV series

Dịka ọ na-agwa ndị nta akụkọ okwu, onye nnọchite anya ‘Fidelity Bank,’ Maazị Charles Aigbe, kwuru sị na ọ dị ọtụtụ ihe ha ji bagide amụma a.

“Anyị ji obi añụrị wee na-esonyere ụnụ. Ihe gbasara onyoonyo ‘movie industry’ bụ otu n’ihe na-akwalite akụnụba taa, anyị nwere obi añụrị inye aka na ya.”

Na mbụ, Gọvanọ Obiano, bụ onye Maazị Marcel Manafa, onye otu ‘Board of Trustees ABS,’ ma bụrụkwa onye ndụmọdụ pụrụ iche n’ihe gbasara onyoonyoo ‘television’ kwuru na ha nwere mmasi ikwalite asụsụ na omenala Igbo na  mba ụwa, ma kwuo na ọ bụ ya bụ ebumnuche e ji hibe ihe omume ‘Nduka TV series’.

AHAPỤ A ZARA

Please enter your comment!
Please enter your name here