Na Lagos, ụmụnwaanyị Ọhaneze Ndigbo emegheela ụlọ ọrụaka, bupụta egwu ọfuu

0
3
Obiora (n'etiti), mgbe ya na ụmụnwaanyị ndị ọzọ na-agba egwu

ỌHANEZE Ndigbo ngalaba ụmụnwaanyị na steeti Lagos, nsonso a agbapeela ebe ihe òmùmù ọrụaka (skill acquisition centre).  Ha nọkwa na ya buputa egwu nke a kpọrọ Ọpụrụiche Dance – Egwu pụrụ iche nke a haziri iji wee weta ịdịnotu, ịhụnanya na nnagide n’ebe ma ndị Igbo nọ na Lagos tinyekwara ndị bi na mba ọzọ nọ.

  Egwu Igbo ahụ pụrụ iche bụkwa iji gosipụta  omenala Ndigbo ma bụrụkwa nke a nọ na ya  kwanyere ụmụ ha ndị nwoke na nwaanyị na-eme nkeọma ugwu.

  N’okwu ya ka ọ na-akọwa banyere egwu Ọpụrụiche, onyendu ụmụnwaanyị ahụ na steeti Lagos, Oriakụ Violet Uche Obiora kwuru na ụlọọrụ ahụ ebe a na-amụ ọrụaka bụ iji mee ka ụmụnwaanyị  banye n’ụzọ ga-enyere ha aka ịzụ ụmụ ha.

  Ndị ọnụ ruru n’okwu bịara emume ahụ gụnyere Ifeanyi Ubah, Godwin Ezeilo, Obu Nanka; Oriakụ Folashade Tinubu-Ojo, Iyaloja General nke Lagos; Chiifu Solomon Ogbonna na Ọkammụta Virgy Onyene na ndị ọzọ.

  Obiora kọwara na ya bụ àmùmà ụlọ ọrụaka dị oke mkpa n’ihi na ọtụtụ ụmụnwaanyị enweghị ọrụ, ma nọrọ nkịtị. Ọ gara n’ihu kpọkuo ndị mmadụ ka ha nyere ụmụnwaanyị ahụ aka ego iji kwudo n’onwe ha, ma ha mụchaa ọrụ.

  Nnukwu onye enyemaka Gọvanọ steeti Abia, Kate Onyechere toro Obiora maka mbọ niile ọ na-agba kemgbe ọ malitere ọrụ, ma kọwaa ụlọ ọrụaka ahụ dịka ezi ihe sitere n’aka otu ahụ. Ọ kpọkuru ndị mmadụ ka ha sonye n’ụgbọ ọma ahụ, n’ihi otu ọnọdụ Nigeria siri dị.

  Eze (Okosisi) Ndigbo nke Ibeju-Lekki ma bụrụkwa onyeisioche, Council of Ndị Eze, steeti Lagos, Chris Offai, kọwara àmùmà (project) ahụ dịka nke ga-ebuli ma wepụ ọtụtụ ụmụnwaanyị na ndị nọ n’okpuru ha n’ọnọdụ ogbenye.

AHAPỤ A ZARA

Please enter your comment!
Please enter your name here